Associacion
La Calandreta Del Vernhat d’Orlhac es una associacion creada en 1986.
L'associacion
L’associacion Calandreta del Vernhat es estada creada en 1986, de la volontat de parents desiroses d’ofrir a lors mainatges un ensenhament laïca, bilingüe e fondat sus la cooperacion.
Los objectius de l’associacion son :
Promocion
La promocion de la lenga e de la cultura occitana.
Ensenhament
L'ensenhament als mainatges en lenga occitana e francesa, de faiçon a formar de mainatges que, en fin de cicle elementari mestrejan perfièchament las doas lengas
Informations complémentaires
- Escòla Calandreta del Vernhat
- 10 carrièra Joan Cinc Arbres, 15000 Orlhac
- 04 71 43 52 33
- 07 67 26 22 70
L’associacion, de tip lei 1901, amassa los parents e los simpatizants de l’escòla. Pòrta juridicament l’escòla Calandreta del Vernhat e assumís totas las cargas de locals e de personals.
Los parents son los administrators de l’associacion, dont los estatuts son confòrms a aqueles redigits per la Confederacion Calandreta.
Per promòure l’escòla e la lenga occitana, l’associacion organiza, cada annada, dels eveniments a destinacion de tot public : Bal, quina, fèsta de las escòlas…
Elle participa a d’eveniments culturals locals, tals coma la Dictada occitana, lo bal de la Caneta, la Fèsta Del Telh, A tu de jogar !, Festenal Deman&PassatDeman, Lo Mercat de Nadal e fièra bio.
Los parents a Calandreta
Cada parent es donc convidat a participar a la vida de l’escòla qu’aquel siá en s’investissent dins lo burèu, dins lo conselh d’administracion, dins l’una de las comissions, pendent eveniments o de còps de mans pontuals a l’escòla.
Se pòdon tanben investir, en acòrdi amb l’equipa pedagogica, en fasent d’intervencions pontualas segon lor domeni de competéncia.
« S’associar per far escòla » vaquí los mèstres mots del movement Calandreta.
Perque sens parents, i a pas d’escòla.
Calandreta representa un ensemble d’associacions autogeridas que vivon de la participacion dels parents a totes los nivèls.
Acompanhan lo desvolopament de l’escòla e s’assòcian als ensenhaires per menar los projèctes de l’escòla.
De tempses de rencontres regulars qu’aquel siá al nivèl del movement tot entièr – congrès de las Calandretas – o qu’aquel siá al nivèl de cada escòla – rescambis- son de moments d’escambis,de reflexions collectivas, d’elaboracion de proposicions, que venon noirir lo projècte Calandreta.
Las comissions
De las comissions son de grops de parents s’amassant tre que necessari
Per prepausar de projèctes e coordinar las accions a menar.
Las diferentas comissions elabòran de proposicions que someton al conselh d’administracion :
