L'escòla
La Calandreta Del Vernhat d’Orlhac es una escòla associativa, laïca e jos contracte amb l’Estat.
Escòla
Sèm una escòla associativa, laïca e gratuita, jos contracte amb l’Estat. Avent per vocacion de venir una vertadièra compausanta d’un servici public renovelat, Calandreta aplica d’ara endavant los programas de l’Educacion Nacionala.
Aculhissèm los mainatges de mairala e primària dins un quadre bilingüe occitan/francés, en immersion lingüistica per aquesta : Aculhissèm los mainatges de mairala e primària dins un quadre d’immersion lingüistica en occitan puèi introdusèm lo francés en CE1 per fin que vengan bilingües occitan-franceses.
Avèm a còr de contribuïr a l’espompiment del mainatge, d’assegurar son desvolopament cognitiu, d’aprene a aprene, de li permetre d’aquerir de coneissenças, dels sabers, dels saber-far en adeqüacion amb los programas de l’Educacion Nacionala.
Es aital que Calandreta a elaborat sa pròpria pedagogia inspirada dels metòdes de Célestin Freinet e de Fernand Oury. Lo mainatge i es actor d’una pedagogia viva, dins la quala sa paraula e sas causidas an un sens.
Los parents, vertadièrs partenaris del movement s’assòcian per far escòla en participant a la vida de l’associacion.
Informacions complementàrias
- Escòla Calandreta del Vernhat
- 10 carrièra Joan Cinc Arbres, 15000 Orlhac
- 04 71 43 52 33
- 07 67 26 22 70
Perqué l'immersion en occitan ?
La tòca de la Calandreta es d’installar las condicions d’un vertadièr bilingüisme en transmetent la lenga occitana en immersion, puèi en introdusent lo francés amb l’aprendissatge de la lectura. Los estudis menats al nivèl nacional e l’experiéncia dels quebequeses pionièrs en la matèria mòstran una competéncia egala, quitament superiora als autres mainatges dins las doas lengas.
Balhar la possibilitat de parlar una lenga implica de balhar la paraula a l’aprenent. La pedagogia utilizada pòt pas donc èsser que de metre lo mainatge al centre dels aprendissatges coma subjècte aprenent e non coma simple escolan.
L’immersion precòça en occitan permet una vertadièra obertura pluriculturelle pels mainatges que descobrisson atal plan lèu una dobla lectura del mond e de la realitat.
Aquò favoriza largament lo plurilingüisme, sustot pertocant las lengas romanicas.
En mairala, los mainatges son sensibilizats a la diversitat lingüistica.
En primari lo programa Familhas de Lengas pòrta un estudi mai aprigondit de las correspondéncias entre las lengas, çò que mena los mainatges a descobrir la diversitat dins lo respècte de las diferéncias.
Amb l’immersion lingüistica, l’occitan servís a ensenhar de disciplinas non lingüisticas, coma per exemple las matematicas, la geografia o l’istòria.
L’occitan es lenga d’ensenhament e lenga ensenhada. A partir del CE1 lo francés es introduch amb l’aprendissatge de l’escritura e de la lectura del francés.
Per anar mai luènh, Article de Jean PETIT, professor a l’Universitat de Reims, de Constance, membre del comitat scientific e ensenhant a l’ISLRF : lo don de las lengas s’aquerís
La pedagogia Freinet
La Calandreta s’apièja sus la pedagogia desvolopada per Celestin Freinet a la debuta del sègle 20en.
Lo principi es que los mainatges aprenon gràcias a lors experimentacions puslèu que per reproduccion de çò que lor es inculcat. Eles s’auto-corregisson, çò que lor permet d’aprene de lors errors.
La cooperacion es al còr d’aquela pedagogia çò que favoriza l’aprendissatge entre pars.
L’organizacion espaciala de la classa es pensada de faiçon a favorizar l’expression orala e artistica e la cooperacion.
La pedagogia institucionala
La pedagogia Fernand Oury es estada elaborada a la debuta del sègle 20en.
Calandreta utiliza al près dels escolans dels « institucions » coma lo « Conselh », e dels espleches pedagogics coma lo « Qué de nuòu », la correspondéncia, lo trabalh cooperatiu, las cenchas de color e l’auto-avaloracion.
Reglament de l'escòla
A la Calandreta del Vernhat d’Orlhac, lo reglament interior definís las règlas de vida partejadas per l’ensemble de la comunautat educativa : mainatges, parents, ensenhants e benevòls.
A per objectiu de garantir un climat escolar seren, respectuós e cooperatiu, en acòrdi amb las valors portadas per las escòlas Calandreta : laïcitat, solidaritat, obertura e transmission culturala.
Lo reglament precisa los dreches e devers de cadun, las modalitats de foncionament de l’escòla (oraris, abséncias, securitat, cantina, gardariá, etc.), aital coma los principis de la vida collectiva : respècte dels autres, del material, dels locals e de l’environament.
Rampèla egalament l’importància de la collaboracion entre las familhas e l’equipa educativa, element central del projècte associatiu e pedagogic de l’escòla.
Confòrmament a la Carta Calandreta, aquel quadre permet a cada mainatge d’evoluar dins un environament benvolent, propici a l’autonomia, a la responsabilitat e a la cooperacion.
Lo reglament interior de la Calandreta del Vernhat es remés a cada familha pendent l’inscripcion e disponibla en consulta dins l’escòla.
